Kenya: Tirada kiisaska iyo geerida Covid-19 oo si weyn u korortay

Afrika
By WARIYAHA NAIROBI , GAROWE ONLINE
Wasaarada Caafimaadka ayaa soo bandhigtay warbixinta maalinlaha ee fayruska faafa.

NAIROBI, Kenya – Kenya ayaa sheegtay in Khamiista maanta ay diiwaan-gelisay 29 kiis cusub oo Coronavirus, taas oo wadarta guud ka dhigeysa 110.

Wasaarada Caafimaadka ayaa sidoo kale waxay soo warisay geerida laba kale, taas oo tirada guud ka dhigeysa saddex qof.

Mutahi Kagwe, wasiirka caafimaadka, ayaa xusay in 28 kiis ay yihiin muwaadiniin, marka laga reebo ruux kasoo jeeda Congo.

Dadka ayuu cod dheer uga digay in aysan ka feejignaan xanuunka, iyaddoo tiradda kiisaska ay maalin walba wax cusub kusoo kordhayaan.

Si lamid ah, dadweynaha gaar ahaan rakaabka raacaya baabuurta iyo mootooyinka ayuu ku waaniyey in ay xirtaan Maaskaro.

Kulamada dadweynaha ayuu hoosta ka xariiqay ahmiyadda ay leedahay in gebi ahaanba meesha laga saaro, si looga fogaado faafitaanka.

"Kuwa u hogaan-samay amarada iyo kuwa iskood isku karan-tiilay, waa dadka ugu badan ee laga waayey markii la baarey," ayuu raaciyey.

Ugu dambeyntii, gudoomiye ku xigeenka ismaamul goboleedka Kilifi ayuu xusay in uu soo kabanayo markii u galay karantiil xili uu kasoo laabtey Jarmalka.

GAROWE ONLINE

Wararkii ugu dambeeyey