Boqolaal kamid ah mas'uuliyiinta boqortooyada Sacuudiga oo la xiray

Image

RIYADH, Saudi Arabia – Boqolaal kamid ah mas'uuliyiinta Sacuudiga ayaa xabsi loo taxaabay, sidda ay ku warantay warbaahinta caalamka.

Xubnaha la xiray ayaa waxaa lagu waramay in ay kamid yihiin; saraakiil sar-sarre oo ka tirsan milatariga iyo ciidamadda ammaanka.

Sidda ku xusan warbixinadda, shaqsiyaadkaas waxay wajahayaan dacwado la xiriira laaluush iyo in ay ka macaasheen xafiisyada dowlada.

Guddiga la dagaalanka musuqmaasuqa ee Sacuudiga oo loo yaqaano Nazaha ayaa goor dambe oo Axadii shalay ku dhawaaqay xariga.

Nazaha ayaa tilmaamtay in ay baaritaano ku waddo eedeysaneyaasha, oo ay tibaaxeen in ay lasoo taagi doono cadaaladda.

War-saxaafadeedka ayaa daaha ka rogay in tiradda dadka la xiray ay gaarayaan 298 loona haysto laaluush qaadasho iyo maamul xumo.

Dhowaan ayay ahayd markii Maxamed bin Salmaan, dhaxal-sugaha Sacuudi Carabiya, uu amray xariga xubno kamid ah qoyska talada haya.

Sanadkii 2017-kii ayay ahayd markii Sacuudigu xir-xiray ganacsato iyo shaqsiyaad caan ah kuwaasoo lagu eedeeyey musuqmaasuq.

Xariga soo cusboonaadey ayaa imaanaya xili Bin Salmaan uu wajahayo eedeymo la xiriira in uu beegsanayo dadka uu u arko in ay halis ku yihiin.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM