Dabley muwaadin British ah ku dishay Nigeria, dad kalena qafaashay
ABUJA, Naigeria – Dabley hubeysan ayaa muwaadin u dhashay Ingiriiska ku dishay magaalada Kaduna ee waqoyga Nigeria, Jimcadii.
Ragga oo ku hubeysnaa hub culus ayaa sidoo kale afduubtay saddex kale xili ay dileen ruux kale oo u dhashay wadanka Nigeria.
Tani ayaa ka dambeysay markii dableyda oo xoog ku galeen goob ay ka xarun loo damashlo tago ay rasaas ugu fureen si aan kala sooc-lahayn.
Safaarada UK oo xaqiijisay geerida Faye Mooney ayaa shaacisay in ay ahayd shaqaale gargaar oo ka tirsaneed Mercy Corps.
Mercy Corps, hay’add aan dowli ahayn, oo tilmaamtay in ay aad uga naxday falkaan ayaa tacsi u dirtay ehelka marxuumadda.
Booliska oo qirtay in ay ku guuldareysteen in durba ka fal-celiyeen arrinkaan ayaa rajo ka muujiyay in ay soo furtaan la-haystayaasha.
Afduubka madax-furashada lagu baadigoobayo ee lagu beegsado shisheeyaha iyo Nayjeeriyaanka hodanka ah ayaa caadi ah dalkaasi.
GAROWE ONLINE