Indonesia: in ka badan boqol qof oo la la'yahay kadib markii dhulku la go'ay

Image

December 13, 2014 (GO)- Todoba qof ayaa la xaqiijiyey inay ku geeriyoodeen jaziiradda Java ee dalka Indonesia ugu yaraan boqol kalena waa la la'yahay kadib markii uu dhulku la go'ay.

Roobab mahiigaan ah oo da'ayey dhowr maalmood oo xiriir ah ayaa sababay in daadad xoogani deegaanada buuraleyda ah kasoo rogmadaan carraduna aad u jilicdo.

Khasaaraha ugu badani wuxuu ka dhacay gobolka hilly halkaasoo guryo dhowr ah iyo goobo ganacsi uu dhulku la go'ay.

Sutopo Purwo oo ah madaxa Hay'adda Maareynta Masiibooyinka Indonesia ayaa sheegay in boqollaal kooxaha badbaadada ah halkaas loo diray.

Purwo ayaa sidoo kale sheegay in dadaallada badbaadinta caqabad ku noqdeen roobka oo weli da'aya, jidadka oo xiran iyo isgaarsiinta oo meelaha qaar ka go'an.

Dalka Indonesia oo ka kooban in ka badan 17,000 oo jaziiradood waxaa sanad walba ka dhaca shilal noocan oo kale ah oo intooda badan kusoo aada xilliyada roobabka markaasoo oogada dhulku aad u jilicdo.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM