Pakistan: 57 qof oo ku geeriyoodey shil gaari oo ka dhacay Karachi

Image

January 11, 2015 (GO)- Ugu yaraan 57 qof ayaa ku geeriyoodey tiro intaas ka badanna way ku dhaawacmeen shil gaari oo ka dhacay duleedka magaalada Karachi ee dalka Pakistan.

Shilku wuxuu dhacay kadib markii gaari booyad ah oo shidaal wadey kuna socdey xawaare aad u sarreeya islamarkaana marayey seed khaldan  ku dhacay gaari bas ah oo rikaab 80 qof ka badani la socdeen.

Dadka dhintay iyo kuwa dhaawaca ah oo u badan dumar iyo carruur, waxay badi ku waxyeeloobeen dab kacay kadib markii labada gaari isku dhaceen.

"meydadka 57 qof ayaa naloo keenay balse tirada dhimashada waxaa laga yaabaa inay kororto, maadaama badi dadka dhaawacyada qaba xaaladoodu halis tahay" Semi Jamali oo ah dhaqtar ka tirsan isbitaalka Jinnah ee magaalada Karachi ayaa sidaas yiri.

Bishii November ee lasoo dhaafay ayey ahayd markii shil caynkan oo kale ahaa oo ka dhacay magaalada Khairpur ee isla dalka Pakistan ku geeriyoodeen 57 qof dadkaasoo 18 kamid ahi carruur ahaayeen.

Shilalka gaadiidka ayaa ku badan dalka Pakistan, waxaana sida ay baahisey hay'adda tirakoobyada u qaabilsan dalkaasi sanad walba shilalka gaadiidka ku geeriyooda dad ay celcelis ahaan tiradoodu gaareyso 4,500.

GAROWE ONLINE

Related Articles

Israa’iil oo ka baxday wada-xaajoodka xabbad joojinta Qasa

Qatar, Maraykanka iyo Masar, ayaa dhaxdhaxaadinayay wada-hadallo ka socda caasimadda Dooxa

  • Caalamka

    27-03-2024

  • 09:18AM

Maraykanka: Tirada dadka la la’yahay ka dib dhacdadii Buundada Baltimore oo la shaaciyay

Burburka buundada ayaa la filayaa in uu saameyn ku yeesho isu socodka ganacsiga dalka Mareykanka.

  • Caalamka

    27-03-2024

  • 05:57AM