Trump oo si adag kaga falceliyey hogaamiyeyaasha "ku maadeystay"

Image

LONDON, UK - Madaxweynaha Mareykanka, Donald Trump, ayaa ka falceliyey muuqaalka baraha bulshadda qabsadey ee muujiyey qaar kamid ah hogaamiyeyaasha caalamka oo isaga ku maadeysanaya.

Muuqaalka oo aad u kooban waxaa kasoo wada muuqday Justin Trudeau, ra'iisul wasaaraha Canada, Boris Johnson, wasiirka koowaad ee UK, Emmanuel Macron, madaxweynaha Faransiiska iyo mas'uuliyiin kale.

Trudeau oo aad ugu digtay Trump ayaa sheegaya in wafdigiisa uu sawaxankoodu sareeyo isla markaana Trump waqti badan ku bixiyey la hadalka saxaafada kahor waqtiga nasashada ee shirka NATO.

Boris iyo Macron oo waqtigaas kuwada sugnaa qaybta soo dhaweynta ee hoyga boqortooyadda Ingiriiska ayaa waxay ku qosleen hadaladda kasoo yeeray Trudeau.

Trump oo warbaahinta u waramay kadib kulan uu la yeeshay Angela Merkel, ra'iisul wasaaraha Jarmalka, ayaa wuxuu si gaar ah u beegsaday Trudeau.

Kahor inta uusan weerar afka ah ku qaadin Trudeau, Trump ayaa daqiiqado aamusanaa markii war-fidiyeenaddu su'aallo ka waydiiyeen wixii dhacay habeenimadii Talaadda.

"Hagaag, waa laba-wajiile," ayuu Trump ku bilaabay. "Markaan si daacad ah ula hadlo Trudeau, isaga waa shaqsi wanaagsan," ayuu raaciyey.

Madaxweynaha ayaa intaas ku daray: "Waxay dhaliyey in uu iigu maadeysto waa in aan shirka ka sheegay in Canada aysan qaaraan wanaagsan kaga qeyb qaadan NATO".

Gabagabadii, Trump oo aan soo hadal qaadin madaxda kale ayaa wuxuu hoosta ka xariiqay in Trudeau "uusan aad ugu farxin" hadaladiisa, isaga oo mar kale ku tartarsiiyey in ay kordhiyaan qoondadooda ururka.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM