Barlamaanka PL oo qodob ka saaray xeerka gudiga doorashooyinka

Image

December 7, 2014 (GO)- Golaha Baarlamaanka Puntland ayaa maanta meel mariyey inta badan qodobada xeerka gudiga doorashooyinka Puntland.

Xildhibaan Siciid Cabdi Samatar (Surcad) ayaa Radio Garowe uga waramay tiradda qodobada ay meelmariyeen tan iyo Sabtidii shalay, wuxuuna sheegay inay maanta doodu ahayd mid xasaasi ah oo lagu raagay.

Qodobka tobnaad ee xeerka guddiga doorashooyinka oo ka hadlayay doorka wasaradda Dastuurka Puntland ku lee dahay xeerkan ayuu Surcad tilmaamay inay guud ahaan ka saareen ka dib markii cod gacan taag ah xildhibaanadu ugu codeeyeen.

Xildhibaanku wuxuu sidoo kale sheegay inay mudo ka doodayeen qodobka ka hadlaya da'da oo markii danbe la isla qaatey in laga dhigo afartan jir cida u tartami karta xilka madaxtinimadda Puntland sida uu Siciid Surcad sheegay.

Xeerkan oo ka kooban 24-qodob ma jirto qodobo ahmiyad leh oo xukumadda Gaas kusoo kordhisay marka laga reebo qodobka todbnaad oo Baarlamaanku diiday in lagu daro.

Boqolkiiba sagaashan xeerka guddiga doorashooyinka ee maanta Baarlamaanku meel mariyey wuxuu lamid yahay kii ay meelmarisay dowladdii Cabdiraxmaan Farole.

Halkan ka akhri Faalada Garowe Online ka qorey Xeerkaan markii la horkeeney Barlamanka Puntland

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM