Saraakiil horay uga tirsanaa Al-shabab oo Bosaso lagu soo bandhigey

Image

May 12, 2015 (GO)- Magaalada Bosaso waxaa maanta lagu soo bandhigey saddex nin oo la sheegay inay horay uga tirsanaayeen saraakiisha Al-shabaab ee buuraha Golis, balse bilo kahor isu soo dhiibey dowladda.

Saddexda sarkaal ee maanta lasoo bandhigey waxaa lagu kala magacaabaa:

  1. Mukhtaar Cabdinuur (Axmed Guray).
  2. Cabdiwaajid Cali.
  3. Guuleed Bashiir.

Taliyaha booliska Puntland Maxamed Siciid Jaqanaf oo warbaahinta uga warbixiyey qaabkii nimankaasi isu soo dhiibeen iyo xilalkii ay hayeen, wuxuu sheegay in Mukhtaar Cabdinuur horay u ahaan jirey Taliyaha Aagga Galgala ee Shabaab, halka Cabdiwaajid Cali uu isna Shabaab u qaabilsanaa dhinaca Gabayada, ninka saddexaad ee lagu magacaabo Guuleed Bashiir wuxuu isna ahaa sarkaal xil hoose hayey.

Jaqanaf ayaa sidoo kale sheegay in saddexdan nin dowladda usoo gacan galeen afar bilood kahor islamarkaana ay qirteen inay ka tirsanaayeen Al-shabaab balse hadda kaddib kasii tirsanaan doonin.

Waa markii ugu horreysey sanadkan 2015 ee magaalada Bosaso lagu soo bandhigo xubno la sheegay inay kamid ahaayeen hoggaanka ururka Al-shabaab.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM