Shabaab oo weerarro aargoosi ah qorshaynaysa iyo dowladda oo ka digtey

Image

[GO, Sabti, Sep 6, 2014] Wasiirka Amniga Soomaaliya Jen. Khaliif Axmed Ereg, ayaa digniin ka soo saaray weerarro ay Al-Shabaab qorshaynayaan in ay ka fuliyaan qaybo ka mid ah dalka, kuwaasoo aargoosi u ah dilka hoggaamiyihii kooxdaas Axmed Cabdi Godane.

Wasiir Khaliif ayaa sheegay in Hay‘adaha Sirdoonka Soomaaliya ay heleen xog la xiriirta in Al-Shabaab ay doonayaan inay weerarro ka geystaan xarumaha dowladda iyo goobo kale oo ay kamid yihiin xarumaha caafmaadka iyo  waxbarashada ee magaalada Muqdisho iyo magaalooyin kale oo kamid ah dalka.

”Dowlada Soomaaliya waxay ka hortagaysaa weerarada ay damacsanyihiin Al-Shabaab waxaana haatan heegan aan galinay ciidamada ammaanka dhamaantood" Jen. Ereg ayaa sidaas yiri.

Dhanka kale, Wasiirka Amnigu wuxuu ugu baaqay dadweynaha in ay gacan ka geystaan sidii ammaanka loo sugi lahaa, gacantana loogu soo dhigi lahaa cid kasta oo qorsheynaysa inay khalkhal geliso nabadgelyada dalka.

Axmed Cabdi Godane oo lixdii sano ee lasoo dhaafay hoggaamiye u ahaa Ururka Al-shabaab oo xiriir laleh ururka Al-qaacida, wuxuu ku dhintay duqeyn dhanka cirka ah oo ay deegaanka Haawaay ee ku dhow degmada Baraawe ee gobolka Shabeelada Hoose ay ku fuliyeen diyaaradaha Maraykanku.

Dowladda Maraykanka ayaa shalay oo Jimce ahayd shaacisay in la xaqiiijiyey geerida Axmed Godane, ninkaasoo in muddo ah lagu raad joogay horayna loogu ballan qaaday ciddii soo sheegta halka uu ku sugan yahay lacag gaareysa todoba milyan oo doolar.

Madaxda Dowladda Federaalka ayaa dilka hoggaamiyaas ku tilmaamay guul usoo hoyatay Soomaaliya, wadamada gobolka iyo caalamka oo dhan.

Garowe Online, Xafiiska Muqdisho.

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM