Bilad sanadleh ah laguna maamusayo Hodan Nalayeh oo la bixinayo

Image

MUQDISHO, Soomaaliya – Xukuumada Federaalka Soomaaliya ayaa ku dhawaaqday in sanad kasta ay bixin doonto abaalmarin lagu maamusayo wax-qabadkii Hodan Naaleayeh.

Marxuumada oo kamid ahayd 26 ruux oo lagu dilay weerar ay Al-Shabaab ku beegsatay huteel Cascasey waxaa la dhintay seygeeda, Jaamac Fariid oo wasiir kasoo noqdey Jubbaland.

Al-Shabaab ayaa dusha saaratay mas'uuliyadda qaraxaasi is-miidaaminta ah, kaasi oo noqonaya midkii ugu cuslaa oo ay Kismaayo ka geysato tan iyo markii laga saarey 2012-kii.

Axmed Ciise Cawad, wasiirka arrimaha dibadda Soomaaliya, oo bartiisa Twitter-ka kaga dhawaajiyey abaalgudkan, ayaa tilmaamay in la siinayo qurba joogta dalka wax ku tarta.

Shaacintan oo timid saddex maalmood kadib marki ay musiibado dhacday ayaa aad loosoo dhaweeyay.

"Sanad kasta ayaan u aqoonsan doonaa Soomaalida qurbajooga ah ee wax wanaagsan ku tarta [dalka]," ayuu yiri wasiirka, oo aanan soo bandhigin taariikhda si rasmi ahaan loo bixinayo.

Hodan ayaa Canada oo ay jinsiyada labaad ka haysatay uga soo tagtay si ay u baahiso sheekooyinka fiican ee gudaha dalkeeda hooyo, waxaana geerideeda ay taabatay dad badan.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM