Diyaaradaha Kenya oo duqayn ka gaystay Gedo Somalia
Diyaaradaha dagaalka Kenya, ayaa duqaymo ay sameeyay Shalay ilaa maanta waxay ku beegsadeen xarumo ku yaalla gobolka Gedo gaar ahaa Tuulo-Barwaaqo oo u dhow degmada Beledxaawo.
Maamulka gobolka, ayaa xaqiijiyay duqayntan, waxayna sheegeen inaysan jirin khasaaro ay gaysteen duqaymaha oo midkood lala beegsaday Masjidka Tuulo-Barwaaqo.
Afhayeenka Maamulka Gobbolka Gedo Nuur oo la hadlay VOA, ayaa dowladda Kenya ku eedeeyay beegsashada goobo aan munaasab ahayn, waxayna tilmaameen in arrintaasi u gudbiyeen maamulka Jubbaland.
Duqaynta Kenya, ayaa timi xilli dowladda Kenya wado weeraro xiriir ah oo ay ku beegsanayso gobolka Gedo kadib wixii kadambeeyay weerarkii lagu laayay ciidamada kusugna Ceelcadde.
GAROWEONLINE