Kulanka Barlamanka Federalka Soomaaliya oo baaqdey markale [ Sababta]

Image

MUQDISHO- Kulankii la filayey in aqalka hoose ee Barlamanka Federalka Soomaaliya ka yeesho mooshinkii ka dhanka ahaa Jawaari ayaa saaaka baaqdey markale kadib markii ay soo baxeen warar sheegaya inuu guul laga gaarey wadahadal ilaa xalay u socdey Madaxweyne Farmaajo iyo Jawaari.

Warar hordhac ah oo kasoo baxay kulan ilaa xalay u dhexeeyey Madaxweyne Farmaajo, Gudoomiyaha mooshinka ka yaalo (Jawaari) iyo ku xigeenka labaad ee Golaha shacabka   ayaa waxaa laga gaarey is-afgarad taasoo sababtey in la baajiyo fadhiga Xildhibaanada saaka. 

Madaxda dowlada Federaalka [Farmajo, Jawaari, ku xigeenada Barlamanka iyo RW Khayre] ayaa wararku sheegayaan in kuwada sugan yihiin Villa Soomaaliya.

Amaanka magaalada Muqdisho ayaa aad loo adkeeyey iyadoo Xildhibaanada labada dhinac isu diyaarinayeen iney tagaan aqalka markii hadalkaan soo baxey.

Khilaafka u dhexeeya Xildhibaanada Barlamanka Soomaaliya ayaa heerkii ugu sareeya gaarey asbuucyadii lasoo dhaafey kadib markii ay ku heshiin waayeen nidaamka loo marayo mooshinka xilka looga qaadayo Gudoomiye Jawaari.

Madaxweynaha Dowlada Federaalka ayaa soo kala dhexgaley sidii xal looga gaari lahaa khilaafkaan oo dhinac uu ka yahay Ra’isal wasaare Khayre.

GAROWE ONLINE 

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM