Mooshinka Farmaajo iyo Dhaliisha Labada ku Xigeen Midkeebaa Sax ah?

Image

MUQDISHO, Soomaaliya - Xildhibaano ka tirsan Gollaha Shacabka, ee baarlamaanka Federaalka ah ayaa shalay gudbiyey mooshin ka dhan ah madaxweyne Maxamed Cabdullaahi Maxamed, Farmaajo.

Gudoomiyaha gollaha shacabka, Maxamed Mursal Sheekh Cabdirixmaan ayaa gudoomey mooshinkan ka dib marki la sheegay in uu buuxshey shuruudihi looga baahnaa.

Hasa ahaatee, waxa shir-jaraaid qabtey labadiisa ku xigeen oo sheegay in uusan mooshinkaasi ansax ahayn, iyagoo ku tilmaamey dacwad siyaasadeed, aan gollaha la horkeeni karin.

Muudey iyo Cawad ayaa isku dhinac noqday, iyagoo kasoo horjeystay Mursal, waxaana ay qorsheynayaan sida ay wararku sheegayaan mooshin Gudoomiyaha xilka looga qaadayo.

Gollaha Shacabka ayaa tan iyo horaantii sanadkan kusoo jiray is-qab-qabsi iyo khilaaf siyaasadeed, waxaana Mursal oo ku yimid awoodda doorasho la qabtey markii uu Jawaari is-casiley isna hadda wajahayaa marxalad adag.

Mursal oo xafiiska jooga 8 bilood ayaa kahor yimid qorshooyinka Villa Somalia, gaar ahaan kala diristii Guddiga Maaliyadda iyo sida ay Xukuumadda u wajahday doorashada Koonfur Galbeed, oo saddex jeer dib u dhac ku yimid sababo la xiriirra faragelin lagu hayo.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM