Qaadista Xayiraada hubka oo kamid ah Ajandaha Somalia la tagtey Shirka London

Image

LONDON, UK - Wajiga Labaad, ee Shirka caalamiga ee looga hadlayo arrimaha dalka Somalia, ayaa maanta oo Khamiis ah ka furmay magaalada London, kaasi oo ay soo qaban-qaabisay dowladda UK.

Somalia waxay la tagtay Shirka qorshayaal ay ka  mid yihiin dib u dhiska Ciidanka, qaadista xayiraadda hubka, dib usoo celinta kaabayaasha dhaqaalaha iyo in laga cafiyo deymaha lagu leeyahay Somalia.

Madaxda maamul goboleedyada iyo dowladda Dhexe, oo xalay ka hadlay xaflada ay Jaaliyadda UK kusoo dhaweysay, ayaa sheegay inay ka qeyb-galayaan Shirka London iyagoo ku midaysan Danaha Somalia.

Dowladda badan iyo Hay'addo caalami ah ayaa ka qeybgalaya Shirka London, oo ay shir-gudoominayaan Madaxweynaha Somalia Maxamed Cabdullaahi Farmaaji iyo Ra'iisaul wasaaraha Ingiriiska Theresa May.

Xoghayaha Guud ee QM António Guterres ayaa ugu baaqay Beesha Caalamka in taageero dheeri la siiyo Somalia, si ay uga gudubto caqabadaha hortaagan, sida amniga, Dhaqaalaha iyo dib u dhiska wadanka.

Shirkan socda waa midkii saddexaad oo noocan ah oo ay dowladaha Beesha Caalamka u qabato Somalia, waxaana labadii shir ee ka horreeyay ka kala dhaceen London iyo Brussels sanadihii 2012 iyo 2013.

GAROWEONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM