Qalab cusub oo lagu baaro Covid-19 oo laga dejiyey Muqdisho

Image

MUQDISHO, Soomaaliya – Qalab cusub oo lagu baaro cudurka Covid—19 ayaa gaarey magaaladda caasimada ah ee Muqdisho, sidda ay ku dhawaaqdey Wasaaradda Caafimaadka dowlada federaalka Soomaaliya.

Qoraal lasoo dhigay barta gaarka ah ee mareegaha Twitter-ka ku leedahay wasaaradda ayaa loogu mahadceliyey Dowladda Talyaaniga.

Hay'adda Caafimaadka Aduunka [WHO] faraceeda Soomaaliya iyo Hay'adda Cunada Aduunka ee WFP ayaa dhankooda waxaa looga mahadnaqay taageeradooda dhanka farsamada iyo sahayda.

Xukuumadda Roma ayaa la fahansan yahay in ay bixisay lacagta lagu soo iibiyey qalabka cusub oo xoojinaya awooda ay wasaaraddu u leedahay in ay dalka ku baarto kiisaska la xiriira fayruska safmareenka ah.

Agabka cusub ee la helay ayaa kusoo aadeysa xili wasaaradda ay horey u shaacisay in Sheybaarka Dhexe ee Qaranka lagu sameeyay dib-u-habeyn isla markaana lagu sameyn karo tijaabooyinka Coronavirus.

"Sheybaarka Dhexe ee Qaranka oo looga baaqsaday baahidii dalka dibaddisa loogu soo sameyn jiray baaritaanka cudurka Corona ( COVID-19)," ayaa lagu yiri qoraal lasoo dhigay barta Facebook ee wasaarada.

Soomaaliya ayaa horey u dalabatay dhowr xabo oo makiinadaha lagu tijaabiyo dheecadana cudurka. Qaarkood waxaa la qorsheeyay in loo diro xarumaha maamul goboleedyadda.

Kiisaska xanuunka ee laga soo wariyey Muqdisho ayaa gaaraya 12; hal qof oo 58-sano jir ah waa bukaanka kaliya ee u geeriyooday; intaas waxaa wehlisa in uu kasoo kabtay hal qof, waxaase la baarayaa tirro kale.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM