​RW Kheyre oo magacaabay Wasiirka Howlaha Guud iyo Dib u Dhiska [Akhri]

Soomaliya
Injineer Saadiq Cabdullaahi, Wasiirka cusub ee Wasaaradda Howlaha Guud

MUQDISHU, Somalia - Ra'iisul Wasaaraha Xukuumadda Federaalka Somalia, Xasan Cali Kheyre ayaa Injineer Saadiq Cabdullaahi Cabdi u magacaabay Wasiirka Wasaaradda Howlaha Guud iyo Dib u Dhiska.

Digreeto kasoo baxday Xafiiska Ra'iisul Wasaaraha ayaa lagu shaaciyay magacaabista Wasiirka cusub.

Injineer Saadiq Cabdullaahi, ayaa bedelaya Wasiirkii hore, Marxuum Cabaas Siraaji, oo Askari katirsan dowladda, gaar ahaan Ilaalada Hanti-dhowrihii hore Nuur Faarax Jimcaale ku dilay Muqdishu 3dii May.

Mudane Kheyre ayaa ka codsadayy Madaxweyne Farmaajo inuu dhameys-tiro hab-raaca la xiriira magacaabista Wasiirka cusub, ee Wasaaradda Howlaha Guud iyo Dib-u Dhiska Injineer Saadiq.

GAROWEONLINE

Wararkii ugu dambeeyey