​Somalia: Xukun lagu riday dadkii diley Wariye Hindiya

Image

MUQDISHU- Maxkamadda ciidamada qalabka sida Somalia, ayaa maanta u fariisatay maxkamadaynta shakhsiyaad la sheegay inay ka dambeeyeen dilka Allaha u naxariistee Wariye Hindia Xaaji oo dhawaan u geeriyootay qarax lagu xiray gaarigeeda.

Ragga la xukumay waxay dhawaan qirteen dambiga lagu soo eedeeyay iyagoo caddaystay inay ka tirsanyihiin ururka Al-Shabaab.

Guddoomiyaha maxkamadda darajada koowaad ee ciidanka qalabka sida Somalia, Gaashaanle dhexe Xasan Cali Nuur Shuute ayaa ku dhawaaqay go'aanka maxkamadda, wuxuuna  sheegay in Cabdirasaaq Maxamed Barrow lagu xukumay dil toogasho ah maadaama uu ahaa ninkii qarxa ku dhajiyay gaariga Hindiyo Xaaji.

Eedeysanayaasha kala ah; Xasan Nuur Cali Faarax, Macalim Maxamed Abuukar Cali iyo Macalim Maxamed Sheekh Yuusuf, ayaa qoorta loo gashay ciqaab gaarsiisan xabsi daa'im maadaamada lagu helay inay faafin jireen afkaarta ururka Shabaab.

Horaantii December, 2015, ayaa la dilay Allaha u naxariistee Hindiyo Xaaji Maxamed Kheyre, oo kamid aheyd shaqaalaha Radio Muqdisho iyo Telefishinka qaranka.

GAROWEONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM