XFS: Ma aqoonsanin natiijo kasta oo kasoo baxda doorashada Jubbaland
MUQDISHO, Soomaaliya – Xukuumadda Federaalka ah ee Soomaaliya ayaa maanta oo Sabti ku dhawaaqday in aysan aqoonsaneyn natiijo kasta oo kasoo baxda doorashada Jubbaland.
Wasaaradda Arrimaha Gudaha oo qoraal soo saartay ayaa xustay in habraaca loo marayo coddeynta maamulkan ay tahay mid aanan "waafaqsaneyn" dastuurka waddanka.
Talaabadan ayaa imaaneysa iyadda oo maanta magaaladda Kismaayo lagu doortay gudoonka baarlamaanka labaad ee maamulkaasi oo ay kusoo baxeen xubihii hore.
Doorashadda madaxweynaha ayaa loo balansan yahay 22-ka bisha August ee sanadkan xili murashaxiinta la siiyey muddo kordhin ay isku diiwaan-geliyaan.
War-saxaafadeed kasoo baxay Wasaaradda oo lagu fahfaahiyey habraaca ay rabto in la maro ayaa waxaa horey ganafka ugu dhuftay mas'uuliyiinta maamulka Axmed Madoobe.
HOOS KA AKHRISO BAYAANKA
GAROWE ONLINE