Guddigii gurmadka ee Somaliland oo sharaxay kulankii Farmaajo iyo Khayre

Image

HARGEYSA, Somaliland – Guddiga Somaliland u soo dirtay Muqdisho si ay qayb uga noqdaan gargaarka fatahaadaha Beledwayne, ayaa ka warbixiyey kulankii ay la yeesheen hogaanka dowladda federaalka.

Jamaal Caydiid Ibraahim, gudoomiyaha Rugta Ganacsiga Somaliland, oo hogaaminayey guddigaas, ayaa meesha ka saarey in kulankooda lagu soo qaadey arrimo la xiriira siyaasad.

Ibraahim oo wariyeyaasha kula hadlay garoonka diyaaradaha Hargeysa, ayaa sheegay in kaliya ay kala xaajoodeen madaxda Soomaaliya sugitaanka amnigooda.

Guddiga oo wadday lix boqol oo kun oo Doolar ayaa laba boqol oo kamid ah u qabiyey dadka, halka afar boqol oo kelana ay ku dhegax-dhigeen mashruuc xal loogu helayo daadadka.

Lacagtaan ayaa badankeeda waxaa laga soo uruuriyey shacabka, halka xukuumadda talada haysa ee Muuse Biixi Cabdi ku kabtay laba boqol.

Qoraal kasoo baxay xafiisyadda madaxweyne Farmaajo iyo Ra'iisul Wasaare Khayre ayaa lagu sheegay in madaxdu uga mahadcelisay guddiga talaabadda ay qaadeen.

"Waa protocol iyo nabad-gelyo ahaan in aan iyaga marno, waxaana u marnay si loo adkeeyo ammaankeena illaa iyo inta aan ka tageyno meesha aan u soconay," ayuu Ibraahim yiri.

Hadalka kasoo yeeray Guddiga ayaa imaanaya xili qaar kamida siyaasiyiinta maamulka Hargeysa ay shaki ka muujiyeen ajendaha kulanka, maadaama ay jirto xiisada wada-hadalada oo hakad ku jira shan sano.

GAROWE ONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM