Taliyihii sirdoonka gobolka Sool oo lagu "dilay" Laascaanood

Image

HARGEYSA, Somaliland - Dabley aan la aqoonsan heybtooda waxaa lagu waramay in caawa ay magaaladda Laascaanood ku dileen Cabdiqani Guhaad, oo ahaa taliyihii sirdoonka gobolka Sool.

Marxuumka ayaa lasoo warinayaa in lagu toogtay nawaaxiga hoygiisa. Goobjoogeyaal ayaa u sheegay warbaahinta in ay beegsadeen kooxo ku hubeysan bastoolado.

Ma cadda sababta ka dambeysa beegsiga sarkaalka. Si lamid ah, illaa iyo haatan ma jirto koox dusha saaratay mas'uuliyadda falkaas. Laamaha ammaanka ayaanan wali ka hadlin falkaas.

Labadii bishaan Maaj ayay ahayd markii qarax nooca gawaarida lagu xiro uu ku dhintay Guddoomiyihii maxkamadda gobolka, Xasan Sheekh Maxamuud.

Warar horudhac ah oo soo baxaya ayaa tilmaamaya in taliyaha uu gacanta ku hayey kiiskaas isla markaana maalmihii lasoo dhaafay uu xoojiyey baaritaanka.

Bilooyinkii u dambeeyay, warbixino dhanka sirdoonka ah ayaa muujiyey in Al-Shabaab iyo Daacish ay dagaalameyaal ku daabuleen degaano ka tirsan Somaliland.

Somaliland, maamul gooni u goosad sheegta tan iyo 1991-dii balse aan wali helin aqoonsi caalami ah, ayaanan looga baran falalka la xiriira qaraxyadda iyo dilalka lagu beegsado mas'uuliyiinta.

GAROWE ONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM