Hindiya oo bilaabaysa maxkamadeynta shufta-badeed Soomaali ah

Kooxda ayaa waxay ku eedeysan yihiin in ay afduubatay markabka ganacsi ee MV Ruen oo sitay calanka Malta.

MUQDISHO, Soomaaliya - Hindiya ayaa bilaabeysa maxkamadeynta 35 burcadbadeed Soomaali ah oo ay ciidamadeeda badda ku qabteen howlgalkii lagu soo furtey markab laga afduubtay xeebaha Soomaaliya.

Sarkaal u hadlay ciidamada badda Hindiya ayaa ku dhawaaqay maxkamadeyntan balse ma uusan shaacin jadwalka rasmiga ah iyo dacwada lagu soo oogi doono eedeysaneyaasha.

Hindiya ayaa waxa ay qabatay shufta-badeedkan kadib markii ay ku sameysay hub ka dhigis intii uu socdey howlgalka ay kusoo badbaadiyeen markabkan waday xamuulka.

Ciidamada Kumaandooska Hindiya ayaa ku guuleystay in ay sii daayaan markabka ganacsi ee MV Ruen oo sitay calanka Malta Sabtidii, kaasi oo 14-kii bishan ay burcad badeed Soomaali ah ka afduubteen meel 450 nautical miles bari ka xigta magaalada Socotra ee waqooyiga badda Carabta.

Falkan qafaalashadda ah ayaa waxa uu ahaa afduubkii ugu horreeyay ee markab ganacsi oo ay burcad badeedda Soomaalida u geystaan ​​burcadbadeedda tan iyo sannadkii 2017.

Xilligii ugu sarreeyay ee weerarradoodii 2011-kii, burcad-badeedda Soomaalida waxay dhaqaalaha adduunka ku waayeen lacag lagu qiyaasay 7 bilyan oo doollar, oo ay ku jiraan boqollaal milyan oo doollar oo madax-furasho ah.

GAROWE ONLINE