Burcad-badeeda Soomaalida oo "u wareegtay" xeebaha Nigeria

MUQDISHO, Soomaaliya – Dowladda Nigeria oo aan soo bandhigin qorshaha uga degan ayaa ku dhawaaqdey in burcad-badeeda Soomaalida ay ka howlgalaan baddeeda iyo gacanka Guinea.

Dr Bashir Jamoh, agaasimaha Hay'adda Maamulka iyo Badbaada Badda, ayaa shaaca ka dhigay warkaan ka gedaal markii uu la kulmay diblumaasiyiin.

Sidda laga soo xigtay war qoraal ah, Kang Haenggu, qunsulka Kuuriya, iyo danjiraha magacaaban ee Belgium, Daniel Bertrand ayaa booqdey Jamoh.

War-saxaafadeedka ayaa waxaa ciwaan looga dhigay: "Amniga badda, ganacsiga Kore, Blgium iyo balanqaadyo kale oo lagu taaeerayo hay'adda NIMASA".

Agaasimaha ayaa laga soo xigtey: "Waxaan daaha ka rognay shabakado dambiyo ka geysanaya baddeeda iyo dhaqdhaqaaqyada shufta-badeeda Soomaali ah".

"Taas macnaheedu waxay tahay in ay xeebaha Nigeria uga soo safreen Soomaaliya iyagoo adeegsanaya badda deriskeeda Galbeedka Afrika," ayuu yiri.

Isagoo tafaasiil dheeraad ah bixinaya ayuu ku daray: "Kiisaska qaarkood, waxay kasoo galaan xuduudaha badda iyagoo doonyo ay howlgalo ku fuliyaan".

SIkastaba ha ahaatee, Jamoh ayaa ka dhawaajiyey in Nigeria ay diyaarisay qorshe ay ku dabagaleyso kuna ilaalineyso ammaanka biyaha ay qaran ahaan leedahay.

"Hadafkeenu waa in aan xaqiijino sidii aan baddeena uga joojin lahayn weerarada fal-dambiyeedyadda ah," ayuu Dr Bashir Jamoh kusoo afjaray hadalkiisa.

Hadii si dhab ah loo xaqiijiyo dhawaqa kasoo yeeray xukuumadda Abuja, tani ayaa ka dhigan in shufta badeeda Soomaalida ay u jiheysteen in ay caalamiyeeyaan siina balaariyaan howlgaladoodda.

GAROWE ONLINE