Ciidamada Burkina Faso oo gudaha u galay dalka Niger

NIAMEY, Niger - Cutubyo ka tirsan ciidamada Burkina Faso ayaa maanta soo gaaaray dalka Niger, iyaga oo qaadan doona tababar lagu horumarinayo awooda ciidamada labada wadan ee dhanka la dagaalanka argagixisada.

Golaha militariga Niger ee talada haya ayaa sheegay in cutubyada ka tirsan ciidamada Burkina Faso ee la keenay dalka Niger aysan weerar ku aheyn kooxda ECOWAS.

Bishii Agoosto ee la soo dhaafay, Ciidamada ku kacay afgambiga milatari ee Niger ayaa u ogolaaday ciidamada dariska ah ee Burkina Faso iyo Mali si ay u soo farageliyaan Niger "haddii ay dhacdo in lagu soo xadgudbo."

Ku dhawaaqistan ayaa timid gebagebadii booqashadii Wasiirka Arrimaha Dibadda Burkina Faso, Olivia Rumba iyo dhiggeeda Mali, Abdoulaye Diop, ay ku tageen Niamey, halkaasoo uu ku qaabilay hogaamiyaha cusub ee dalkaas Abderrahmane Chiane.

GAROWE ONLINE