Ciidamada Eritrea oo la sheegay in ay ka baxayaan Tigrey
-
WARIYAHA ADDIS ABABA GAROWE ONLINE
- Posted On 31-12-2022, 09:06AM
ADDIS ABABA, Ethiopia - Dad ka shaqeeya samafalka iyo goobjoogayaal ayaa sheegaya in ay arkeen kolonyo ciidamada Eritrea oo ka baxaya qeybo ka mid ah gobolka Tigree ee dalka Itoobiya, halkaas oo ay qeyb ka ahaayeen duulaankii ciidamada Itoobiya ku qaadeen gobolkaasi oo ay qabsatay falaagada TPLF.
Ciidankan oo gacanta u haadinayay dadka ayaa ka baxay magaalooyinka Shire iyo Axum, iyaga oo u dhaqaaqay dhanka xuduuda dalkooda.
Wasiirka warfaafinta Itoobiya Gatachew Gebremeskel iyo afhayeenka TPLF Mr Reda ayaanan labada xaqiijin bixitaanka ciidanka Eritrea.
Arrintan Ayaa ka dambeysay kadib heshiis Xabad joojin iyo nabad ah oo dhexmaray dowladda Itoobiya iyo jabhadda TPLF.
Heshiiskan qeyb kama Aysan ahayn dowladda Eritrea oo dabcan horey u inkirtay in Ay ciidamadeeda joogaan Itoobiya, kana fogaanaysay in hadhoow lagu soo oogo dacwado xasuuq sida ay sheegeeyaan xeeldheereyaasha xiriirka caalamiga ah.
Shacabka Tigreega ayaa ciidankan si gaar ah ugu eedeeyay gaboodfalo kala duwan.
GAROWE ONLINE
