Ciidamo xoogan oo la midoobay Xoogaga Dacm-Sariic ee Sudan
-
GAROWE ONLINE
- Posted On 09-08-2023, 01:37PM
KHARTUUM, Sudan - Ciidamada "Darc-Al Suudaan" oo xoogag ka dhisan gobalada dhexe ee dalkaasi Suudaan ayaa ku dhawaaqay in ay la midoobeen oo ay ku saf yihiin ciidamada "Dacm-Sariic" iyo gaar ahaan hogaamiyahooda, Maxamed Xamdaan Ximaydti.
Caaqilata Keykal oo ah Sarkaal sare oo hawlgab ciidamada Suudaan ah isla markaana ah taliyaha ciidamada ayaa isaga oo ku labisan tuutaha "Dacm-Sariic" waxaa uu ku dhawaaqay in ay la galeen "Bayco" hogaamiyaha xoogaga "Dacm-Sariic".
Ciidamadan oo lagu qiyaaso ugu yaraan in ka badan 20 kun oo askari ayaa la saadaalinayaa in ay cudud hor leh ku biirin doonaan safka Ximaydti.
Dagaalada Suudaan ayaa sii balaaranaya iyada oo laga digayo in ay isu badasho colaadu dagaal sokeeye oo Beelo iyo isir sifayn isu bedela taasi oo haatan gobalka Daarfuur laga diiwaan geliyay.
GAROWE ONLINE
