Kenya oo guulo ka sheegatay howlgal ka dhan ah Al-Shabaab
-
WARIYAHA NAIROBI GAROWE ONLINE
- Posted On 15-07-2021, 06:03AM
NAIROBI, Kenya - Ciidamada Difaaca Kenya (KDF) oo hoostaga Howlgalka Midowga Afrika ee Soomaaliya (AMISOM) Arbacadii, July 14, 2021, ayaa shaaca ka qaaday inay dileen Kudhaa, Kismaayo 11 maleeshiyo oo ka tirsanaa Al-Shabaab.
David Goldman, Agaasimaha La-Dagaalanka Argagixisada, Amniga Qaranka, iyo Falanqaynta Xogta Istiraatiijiyadda ee Sirdoonka, Isagoo xaqiijinaya dhacdada subaxnimadii Arbacadii, wuxuu sheegay in laba gaari oo ay leeyihiin garabka al-Qaacida ee Soomaaliya la burburiyey intii lagu jiray hawlgalka dhanka dhulka oo ka dhacay degaankaas hawdka ah.
Dagaalyahanada ayaa qaaday weerar gaadmo ah oo ay ku bartilmaameedsanayeen Ciidamada Amniga ee Jubaland (JSF), iyagoo dib ugu laabtay saldhigoodii ka dib kormeer ay ku joogeen.
Maleyshiyaadka "waxay ku guuleysteen inay dilaan toddobo ka tirsan ciidamada JSF, halka seddex kalena ay soo gaareen dhaawacyo, weerarkan oo dhacay aroortii hore ee Arbacadii".
“Ciidamada Difaaca Kenya (KDF) ee Kuday FOB waxay xoojiyeen JSF iyaga oo u diray diyaarad helikobtar ah iyo qeybta ilaalada dhulka ee ilaalada. Ciidanka ayaa kaga hortagay maleeshiyaadka iyo gawaaridooda hareeraha Wadada Kudhaa-Tosha waxayna burburiyeen gawaarida iyo dadkii saarnaa," ayuu xusay.
Wuxuu ku daray: "Isla waqtigaas, ciidamadda gaarka ah waxay soo saareen sagaal dagaalyahan oo ka baxay gawaarida".
Sida laga soo xigtay Warbixinta Toddobaadlaha ee Sirdoonka La-dagaallanka Argagixisada ee Bariga Afrika, tobanka maalmood ee ugu horreeya bisha Luulyo "waxaa goobjoog ka ahayn kororka weerarrada mintidiinta ee lagu bartilmaameedsanayo fariisimaha muhiimka ah".
"Waxay isku dayeen dilal qorsheysan iyo weeraro gaadmo ah oo lagu qaaday saraakiisha dowladda. Isla muddadaas, Al-Shabaab waxay si gaar ah u fulisay hawlgal ismiidaamin ah iyo IED waxay ku weerareen ciidamada amniga iyo bartilmaameedyada rayidka labadaba".
Isla waqtigaas, ugu yaraan 17 weerar ayay maleyshiyaddu fulisay, dhammaantoodna ka kala dhacay gobollada Soomaaliya.
Al-Shabaab waxay si gaar ah u beegsatay ciidamada AMISOM ee ku sugan gobollada Gedo, Shabeellada Hoose, Jubbada Hoose, iyo Baay iyo Bakool tiro ka mid ah weerarradan. Inta badan weerarada ka dhanka ah bartilmaameedyada waa kuwo gaadmo ah iyo qaar loo adeegsaday qaraxyada lagu aasay wadada dhinaceeda.
GAROWE ONLINE
