Cudurka qoorgooyaha oo ugu yaraan 17 qof ku dilay Nigeria

Qoorgooye waa caabuq saameeya lakabyada sare ee maskaxda iyo xangulada lafdhabarta.

ABUJA, Nigeria - Ugu yaraan 17 arday oo ku kala nool gobolka Yobe ee waqooyi bari Nigeria ayaa dhintay kadib markii uu halkaas ka dillaacay cudurka qoorgooyaha, sida ay masuuliyiintu xaqiijiyeen.

Dadka dhintay waxaa kamid ah arday wax ka baranaysay dugsiyada hoose/dhexe iyo kuwa kale oo dhiganayay dugsiyada sare ee hoyga ah, sida uu BBC-da u sheegay guddoomiyaha waxbarashada gobolka, Mohammed Sani-Idris.

"Wadarta 473 kiis oo looga shakisan yahay ayaa la diiwaan geliyay ilaa hadda," ayuu yidhi. Qoorgooye waa caabuq saameeya lakabyada sare ee maskaxda iyo xangulada lafdhabarta.

Waxay noqon kartaa mid nafta halis gelisa haddii aan la aqoonsan oo goor hore la daweyn. Tallaalku waa hab wax ku ool ah oo looga hortago qoorgooyaha.

Xarunta Nigeria ee Xakamaynta iyo Kahortagga Cudurrada (NCDC) ayaa horaantii sanadka soo saartay talo caafimaad oo ku saabsan cudurka si dadweynaha uga feejignaadaan.

Xarunta NCDC ayaa waxa ay iftiimisay in xilliga qallaylku uu "kordhin karo faafitaanka xanuunka iyo khatarta caabuqa, gaar ahaan marka la isku buuqo iyo hawo xumo".

Kiisaska ugu badan ee cudurka ee Nigeria ayaa laga soo sheegaa waxa loogu yeero "Meningitis Belt," oo ka kooban dhammaan 19-ka gobol ee gobolka waqooyi halkaas oo saameyn culus laga dareemay.

GAROWE ONLINE