Doon ay la socdeen dad ka yimid xaflad aroos oo qalibantey

Doon ay la socdeen dad ka yimid xaflad aroos oo qalibantey

ABUJA, Nigeria - Dooni ay la socdeen dad ka soo laabtay xaflad aroos ayaa ku degtay waqooyiga Nigeria, waxaana ku dhintay ilaa 100 qof, sida ay sheegeen booliska iyo dadka deegaanka.

Doonta ayaa ku qalibantay subaxnimadii hore ee Isniintii wabiga Niger ee gobolka Kwara oo u dhow gobolka Niger ee deriska la ah, sida uu sheegay afhayeenka booliska Okasanmi Ajayi Talaadadii.

"Waxa aan isugu nimid waxa ay ahayd doon ay degtay waxaana ku dhintay ilaa 100 qof," ayuu yiri. "Waxaa sii xoogeysatay baadigoobka dadka la raadinayo," ayuu raaciyey.

Dhibanayaasha oo ay ku jiraan haween iyo carruur ayaa ka soo laabtay aroos ka dhacay tuulada Egboti ee gobolka Niger, sida uu sheegay Usman Ibrahim oo degan.

Ilaa hadda ma cadda in ay jiraan dad badbaaday iyo in kale. Majalada Nigerian Tribune ayaa soo warisay in rakaabka ay ka yimaadeen Kpada, Egbu iyo tuulooyinka Gakpan ee Kwara.

"Dadka saaran doonta waxay ahayd inay baaskiilkooda u qaadaan bulshooyinkooda kala duwan [markay soo degayaan]. Doonta ayaa waxaa la socday in ka badan 100 qof, markii ay degtay,” ayuu yiri Ibraahim.

Bishii Maajo 2021, doon ayaa ku degtay Niger agagaarka isla aagga, sidda uu daabacay waregys maxalli ah oo lagu magacaabo The Guardian. Ilaa 160 qof ayaa xilligaas ku dhintay shilkaas.

GAROWE ONLINE