Faransiiska oo diidey in uu raaligelin ka bixiyo gumeysigii Algeria

Madaxweyne Emmanuel Macron ayaa ku doodey in talaabadaas ay "waddo badan ku fureyso".

PARIS, France - Madaxweynaha Faransiiska, Emmanuel Macron, ayaa sheegay in dalkiisa uusan "cafis ka weydiisan doonin" Algeria gumeysiga balse uu rajeynayo inuu sii wado ka shaqeynta dib u heshiisiinta isaga iyo dhiggiisa Abdelmajid Tebboune.

"Aniga iguma taallo inaan cafis waydiisto, taasi maahan waxa tani ku saabsan tahay, ereygaas wuxuu jebin doonaa dhammaan xiriirkeena," ayuu ku yiri wareysi uu siiyay majaladda Le Point oo la daabacay galabnimadii Arbacada asbuucii hore.

Macron ayaa hadalkiisa waxa uu intaas sii raaciyey: "Waxa ugu xun ayaa noqon lahaa in la go'aansado: 'Waan raaligelineynaa, mid walbana wuxuu maraa jidkeena".

"Ka shaqeynta xusuusta iyo taariikhda ma ahan dejinta dhammaan xisaabaadka," ayuu hoosta ka xariiqay isaga oo u muuqda mid hoos u dhigaya baahida loo qabo cudurdaar ka yimaada Paris.

Balse, wuxuu sidoo kale rajo ka muujiyay in Tebboune "uu awoodi doono inuu yimaado Faransiiska 2023," si uu u soo celiyo safarkii Macron ee Algiers sannadkii hore oo ay sii wadaan "shaqo saaxiibtinimo oo aan horay loo arag".

Sannadkii 2017-kii, Macron oo waqtigaas ahaa musharax madaxwayne ayaa qabsashadii Faransiiska ee Algeria waxa uu ku tilmaamay "dambi ka dhan ah aadanaha".

Aljeeriya iyo Faransiisku waxay sii wadaan xiriir waara iyaga oo soogalootiga ah, ku lug lahaanshaha iskahorimaadka madax-banaanida iyo dib u celinta dadka Faransiiska ka dib, taas oo taabanaysa in ka badan 10 milyan oo qof oo ku nool Faransiiska maanta.

Gumeysigii Faransiiska ee 100-ka sano ahaa ee Aljeeriya iyo dagaalladii foosha xumaa ee 1954-62 ee xornimada ayaa labada dhinac ku reebay nabaro qoto dheer, taas oo Macron uu marba marka kasii danbeysa ka gilgishay oo uu ku qaboojiyay siyaasadiisa.

GAROWE ONLINE