Hay’adda Bisha Cas Turkiga oo gargaar ku wareejisay SODMA

Gargaarkan ayaa waxaa loogu talagalay in la gaarsiiyo shacabka Soomaaliyed ee iskugu darsoomeen daadadka iyo fatahaadaha.

MUQDISHO, Soomaaliya - Hay’adda Maareynta Musiiboyinka Qaranka Soomaaliyeed ee SoDMA ayaa markii labaad waxa ay shixnad gargaar mucaawino ah kala wareegtay Hay’adda Bisha Cas Turkiga, kaas oo ka kooban qaybaha kala duwan raashin ka.

Gargaarkan ayaa waxaa loogu talagalay in la gaarsiiyo shacabka Soomaaliyed ee iskugu darsoomeen daadadka iyo fatahaadaha kuwaas oo ku nool gobolada Wadankeena hataana wajahaya xaalad adag oo dhanka nolasha ah.

Deedqaan waxaa guddoomiyaha Hay’adda maareynta Musiiboyinka qaranka Mudane Maxamuud Macallim Cabdulle ku wareejiyey Safiir ku xigeenka Safaaradda Dalka Turkiga iyo madaxa hay’adda bisha Cas Turkiga  ee Soomaaliya.

Guddoomiyaha Hay’adda maareynta Musiiboyinka qaranka Mudane Maxamuud Macallim Cabdulle oo la hadlay warbaahinta ayaa u mahadnaqay shacabka,hay’adda bisha Cas ee dalka Turkiga. Isaga oo xusay in mar walba ay sida joogtada ah u garab taaganyihiin shacabka Soomaaliyed ee iskugu darsoomay Daadadka Elniino iyo fatahaadaha Wabbiyada.

Safiir ku xigeenka Safaaradda Dalka Turkiga iyo madaxa hay’adda bisha Cas Turkiga  ee Soomaaliya ayaa kawarbixiyey gargaarkaan.

GAROWE ONLINE