Hogaamiyeyaasha afgembiga Niger oo "talaabo culus qaadaya"
-
WARIYAHA AFRIKA GAROWE ONLINE
- Posted On 07-08-2023, 04:16AM
NAIROBI, Kenya - Khubarada arimaha dalalka Galbeedka Afrika ayaa ka digaya tilaabooyin cusub oo ay qaadaan hogaamiyayaasha afgenbiga dalka Niger.
Saraakiisha xukunka la wareegay oo taageero xoogan ka haysta hogaamiyayaasha Mali iyo Burkina Faso ayaa laga walaacsan yahay in ay ku dhawaaqaan "Con-federalism" ay isla qaataan Mali,Niger iyo Burkina Faso.
Tilaabadaan ayaa sii xoojin doonta sidoo kale saamaynta uu Ruushku gobalka ku leeyahay waxayna kusoo aadaysaa xilli maalintii shalay ay ku ekayd muddo uu ururka "ECOWAS" u qabtay hogaanka Afgembiga in ay xukunka kusoo celiyaan madaxweyne, Bazoum hadii kale ay qaadi doonaan dalalkaasi tilaabo Milatari.
Barnaamijka "Maa waraa Al-khabar" ee Telefishinka Aljazeera oo lagu gorfeeyay xaaladda Niger ayay khubaradu isku raaceen in ay adag tahay in xiligaan faro-gelin Milatari lagu sameeyo dalkaasi isla markaana uu khasaaruhu badnaan doono.
GAROWE ONLINE
