Howlgalkii UN-ka ee 10-ka sano ka jiray Mali oo lasoo afmeeray

Ciidamadda milatariga ee la wareegay awooda xukunka dalkaas ayaa amarkan soo saarey.

NAIROBI, Kenya - Hawlgalka Qaramada Midoobay ee Mali ayaa si rasmi ah u soo afjaray 10 sano uu joogay dalkaasi. Afhayeenkooda ayaa sheegay in ka bixitaanka ay amartay dowladda militariga ee wadankaas.

Hawlgalka, oo loo yaqaano UN Multidimensional Integrated Stabilization Mission in Mali (MINUSMA), ayaa calanka Qaramada Midoobay ka dejiyay xaruntooda caasimadda Bamako, sidda uu afhayeenka Fatoumata Kaba ay Isniintii u sheegtay wakaaladda wararka ee AFP.

"Xafladda astaanta u ah bixitaanka waxay calaamad u tahay dhammaadka rasmiga ah ee howlgalka," ayay tiri, inkastoo qaar ka mid ah sababaha keenay aan daaha laga qaaidn.

"Wejiga kama dambeysta ah ee bixitaanka" ayaa dhici doona Janaayo 1 kadib markaas oo ay dhici doonan ku wareejinta wixii qalab ah ee haray maamulka.

Bishii Juun, dowladda militariga ee Mali, oo xukunka la wareegtay 2020, ayaa dalbatay ka bixitaanka howlgalka, oo jiray tan iyo 2013, inkastoo ay gacanta ku hayaan weerarada kooxaha hubeysan ee gobolka Saaxil.

Ka bixitaanka ciidamada MINUSMA ayaa kicisay cabsi laga qabo in uu sii xoogeysto dagaalka u dhaxeeya ciidamada Mali iyo kooxaha hubeysan ee ku wajahan gacan ku heynta dhulalka.

Hawlgalka MINUSMA waxaa Mali ka joogay ilaa 15,000 oo askari iyo booliis tobankii sano ee la soo dhaafay. Ku dhawaad ​​180 xubnood ayaa lagu dilay falal cadawtinimo ah kuwaas oo ay geysteen kooxo aad u hubeysan.

GAROWE ONLINE