In ka badan 13,000 qof oo ku geeriyootay colaadda Suudaan: UN
-
WARIYAHA AFRIKA GAROWE ONLINE
- Posted On 22-01-2024, 04:13AM
KHARTUUM, Suudaan - In ka badan 13,000 oo qof ayaa ku dhintay 26,000 oo kalena way ku dhaawacmeen colaadda ka socota Suudaan tan iyo sannadkii hore, sida ay sheegtay Qaramada Midoobay.
Suudaan waxaa hareeyay dagaal u dhexeeya ciidamada, oo uu hoggaaminayo Abdel Fattah al Burhan, madaxa golaha sare ee talada dalka, iyo kooxda gurmadka degdegga ah (RSF) tan iyo Abriil 2023.
"Qiyaastii 7.6 milyan oo qof ayaa ku barokacay gudaha iyo dibadda Suudaan tan iyo markii ay dagaalladu ka bilowdeen," ayuu yiri Xafiiska Isku-xirka Arrimaha Bani'aadamnimada ee Qaramada Midoobay.
Sida laga soo xigtay xafiiska, in ka badan 9,700 oo xaaladood oo looga shakisan yahay daacuunka, oo ay ku jiraan 269 dhimasho ah, ayaa laga soo sheegay Suudaan ilaa Janaayo 16.
Dhowr heshiis oo xabbad joojin ah oo ay garwadeen ka ahaayeen dhexdhexaadiyeyaasha Sacuudiga iyo Mareykanka ayaa ku guuldareystay inay soo afjaraan rabshadaha ka socda waddanka Suudaan.
GAROWE ONLINE
