Madaxweynaha golaha Madax-banaanida Sudan oo Jubba gaaray
-
GAROWE ONLINE XAFIISKA MUQDISHO
- Posted On 04-09-2023, 02:23PM
KHARTOUM, Suudaan - Madaxweynaha golaha Madax-banaanida Suudaan ahna taliyaha ciidamada qalabka sida, Cabdifataax Al-Burhaan ayaa gaaray magaaladda Jubba ee caasimada wadanka koonfurta Suudaan.
Alburhaan oo uu soo dhaweeyay Silvakiir Mayardiid ayaa la filayaa in ay ka wada hadlaan colaada wadanka Suudaan.
Booqashooyinka uu ku tagay gobalada wadankaasi iyo dalalka dariska ayaa muujiyay in Milatarigu ay ku gacan sareeyaan dagaalkii xoogaga " Dacm-Sariic".
Sidoo kale gudaha caasimada Khartoum gaar ahaan xaafadaha dadweynaha waxaa ka socda hawlgalo baacsi ah oo Milatariga Suudaan ay sheegeen in ay gudaha xaafadaha kaga sifaynayaan xoogaga " Dacm-sariic" oo guryaha xoog ku dagay kadib markii xeryahoodii ay duqeymo ku baabi'iyeen Milatariga wadanka.
Hogaamiyihii xoogaga "Dacm-sariic", Maxamed Xamdaan Daghlo "Ximaydti" ayaan dhawaanahan war iyo wacaal laga hayn iyada oo wararka qeyb ay shaki galiyaan noloshiisa.
GAROWE ONLINE
