Mali oo mamnuucdey NGO-yada uu maalgeliyo Faransiiska

Cilaaqaadkan Bomako iyo Paris ayaa sii xumaanayay tan iyo markii dalkan ay xukunkiisa qabsadeen milatariga.

BOMAKO, Mali - Milatariga Mali ayaa mamnuucay NGO-yada uu maalgeliyo Faransiiska, oo ay ku jiraan kooxaha bini'aadantinimada, iyadoo uu sii xumaanayo khilaafka u dhexeeya Paris iyo Bamako.

Ra’iisul Wasaaraha ku meel gaarka ah ee dalkan Korneyl Abdoulaye Maiga ayaa go'aankan ku tilmaamay mid jawaab u ah joojinta Faransiiska ee gargaarkii horumarineed ee uu siin jiray Mali.

Wasaaradda arrimaha dibadda ee Faransiiska ayaa sheegtay in todobaadkii hore ay qaadatay go’aankan, kaas oo yimid saddex bilood ka dib markii ay soo gebagebeeyeen ka bixitaanka ciidamada la dagaalanka argigixisada ee dalkaasi, sababo la xiriira Bamako oo lagu eedeeyay in ay u adeegsatay kooxaha Ruushka ee Wagner.

Xukuumadda Bamako oo si adag uga falcelisay dhawaqaas ayaa qashinka ku dartey eedeyntan, iyadda oo qirtey oo kaliya taageerada militariga "macalimiinta" Ruushka.

Maiga ayaa eedeyntan ku qeexay "eedeymo khiyaali ah" iyo "hoos-u-dhigid loogu talagalay in lagu khiyaaneeyo oo lagu maareeyo ra'yiga dadweynaha ee qaranka iyo kuwa caalamiga ah iyada oo ujeedadu tahay xasilloonida iyo go'doominta Mali."

"Natiijo ahaan, dawladda ku-meel-gaarka ah waxay go'aansatay in ay mamnuucdo, si degdeg ah, dhammaan hawlaha ay fuliyaan NGO-yada ka hawlgala Mali oo maal-gelin ama qalab ama taageero farsamo oo ay ku jiraan Faransiiska, oo ay ku jiraan arrimaha bini'aadantinimada," ayuu ku yiri war-saxaafadeed uu soo saarey.

Toddobaadkii hore, ilo ka tirsan wasaaradda arrimaha dibadda ayaa sheegay in Faransiisku uu sii wadi doono gargaarkiisa bini'aadantinimo iyo sidoo kale maalgelinta "ururada bulshada rayidka ah" ee Mali.

GAROWE ONLINE