Masar: Qorsheyaal looga hortagayo dhibaatooyinka dhaqaale
-
GAROWE ONLINE XAFIISKA MUQDISHO
- Posted On 20-08-2023, 03:43AM
CAIRO, Egypt - Madaxweynaha Masar Abdel Fattah El-Sisi ayaa shalay sheegay in dhibaatada dhaqaale ee Masar ka jirta aysan isaga ka imaan, isla markaana ay tahay xaalad caalami ah.
El-Sisi wuxuu sheegay, intii uu ku guda jiray kormeer oo ku sameynayay Akadeemiyada Militariga Masar, in caabuqa Covid-19 iyo xiisadda Ruushka iyo Ukraine ay saameysay dhaqaalaha adduunka.
Madaxweynaha ayaa hadalkiisa raaciyay:
“Waxa loo baahan yahay in aan soo dhoofsano badeecooyinka aasaasiga ah, sida sarreenka, galleyda iyo saliidda cuntada”.
Dawladda Masar ayaa hiigsanaysa inay kayd ka sameysto raashinka quutul daruuriga ah oo ku filanaan doona ilaa 5 ama 6 bilood, si ay ula jaan-qaaddaan xaalad walba ee ku soo kororto dhaqaalaha caalanka..
Shacabka Masar ayaa la ildaran sicir barar baaxad leh oo ku yimid qiimaha badeecadaha, halka qiimaha lacagta dalkaas ay hoos u dhacday.
GAROWE ONLINE
