Saxafi sare oo loo xukumay in uu "raali ka yahay kufsiga"

Soo-jeediyaha barnaamij telefishin ayaa la isugu daray xukun cabsi iyo ganaax lacageed.

YAMOUSSOUKRO, Ivory Cost - Yves de M'Bella oo ah wariye ka tirsan telefishin ku yaala waddanka Ivory Cost ayaa 12-bilood oo xabsi loogu xukumay in uu "dhiirageliyey kufsiga".

M'Bella oo si gaar ah u soo jeediye barnaamij waxaa sidoo kale lagu ganaaxay $3,600. Saxafiga wuxuu wareystay shaqsi horey loogu helay dambi kufsi ah.

Wareysiga wuxuu daaranaa qaabka uu ruuxaas u faroxumeeyay haween badan. Tani waxay sababtay in 50-kun qof ay u codeeyaan in la maxkamadeeyo.

Kader Traoré oo ah ruuxa la wareystay ayaa qudhiisa mar kale waxaa garka loo geliyey 24-bilood oo uu ku qaadan doono jeelka iyo ganaax lacageed oo dhan $902.

Xeer-beegtada ayaa sheegtay labada xukumane ay joojiyeen "sida ay raali uga yihiin kufsiga" oo loo tixgeliyo mid kamid ah xadgudubyada ugu waaweyn ee loo geysto dumarka.

Qareenada difaacayey xukumaneyaasha ayaa u sheegay maxkamadda in kalyeentiyadooda aysan dafirin dambiga sidaas darteedna ay rajeynayaan in ay rafcaan ka qaataan xukunka.

Dadweynihii aadka uga hor-yimid xukunkan waxay hoosta ka xariiqeen in ay rajeynayaan in aysan jiri doonin cid kale oo ku dhiirata in ay ka sheekeyso tacadi dumar u geysteen.

GAROWE ONLINE