Shaqaale dowladeed oo kufsaday ardayad oo xabsi daa'in lagu xukumay
-
WARIYAHA ARRIMAHA CAALAMKA GAROWE ONLINE
- Posted On 17-11-2019, 08:29AM
CAPE TOWN, Koonfur Afrika – Shaqaale ka tirsanaa xafiiska boostada ee Koonfur Afrika, Luyanda Botha, ayaa lagu xukumay xabsi daa'in markii uu qirtay in uu faroxumeeyay kadibna dilay ardayad 19-jir ah, Uyinene Mrwetyana.
Dilkeedii bishii August ayaa sababay mudaaharaadyo waaweyn, kuwaas oo isku rogay rabasho ay dumarka sameeyaan.
Sacab badan ayaa wuxuu ka dhacay gudaha maxkamada markii ay xukunka garka u gelisay maalintii Jimcaha.
"Xukunkaan ma bedeli doono Uyinene balse waan qadarineynaa," ayuu adeerkeeda u sheegay LOL.
Gudaha Koonfur Afrika ku dhowaad 2,700 oo haweenay ayaa waxaa kufsaday ragga wadankaa, sanadki hore.
Tani ayaa shan jibaar waxay ka badan tahay caalamka. Waxaa wehlisa in ay 100-kufsi dhacaa maalin walba.
Bishii September ee sanadkan 2019-ka, baarlamaanka oo si degdeg ah yeeshay ayaa wuxuu soo jeediyay talaabo degdeg ah oo la qaado markii rabashadaha ka dhanka ah caruurta iyo haweenka ay meeshii ugu sareysay gaartay.
GAROWE ONLINE
