Wiilal uu dhalay madaxwayne oo isku-dagaalay iibka diyaarad

Aabahooda ayaa waddankan dhaca bartamaha Afrika waxa uu xukumayaa muddo ku suntan 43-sano.

NAIROBI, Kenya - Madaxweyne ku xigeenka Equatorial Guinea ayaa si shakhsi ah u amray in la xidho walaalkiisa kadib markii lagu eedeeyay inuu iibiyey diyaarad ay leedahay dawladda, sidda lagu sheegay war-saxaafadeed.

Labada madaxweyne ku xigeenka ee Equatorial Guinea iyo walaalkooda ay dhanka aabaha walaalo ka yihiin ayaa waxaa dhalay madaxweyne Teodoro Nguema Obiang Mangue.

Teodoro Nguema Obiang Mangue ayaa la aaminsan yahay in uu yahay madaxweynihii ugu xukunka dheeraa guud ahaan caalamka isla markaana uu xilka hayo muddo 43 sano ah.

Madaxweyne ku xigeenka warka qoraalka ah soo saarey ee Teodoro Nguema Obiang Mangue ayaa "wuxuu muujiyay caro ku saabsan iibka," ayaa lagu yiri bayaanka.

Ruslan Obiang Nsue, oo ahaa agaasimihii hore ee shirkadda diyaaradaha ee Ceiba International, ayaa ATR72-500 ka iibiyay iyada oo aan oggolaansho laga helin guddiga shirkadda shirkad Isbaanish ah, sida ay masuuliyiintu sheegeen.

Waxaa kaloo lagu eedeeyay inuu jeebka ku shubtay dhaqaalihii iibka. Si cad ugamuu hadlin eedaymaha loo jeediyay. Walaalihiisa waxay amreen in xabsi guri la geliyo ka dibna loo wareejiyo "xabsiga garsoorka," ayaa lagu yiri bayaanka.

Madaxweyne Obiang waxa uu gacan adag ku hayaa waddanka saliida qaniga ku ah ee ku yaala bartamaha Afrika, iyada oo xubno dhawr ah oo qoys ah ay ku jiraan door muhiim ah oo dawladda ah.

Sanadkii 1979-kii waxa uu xukunka kala wareegay adeerkii oo ay ciidan la wareegeen, waxaana uu dhowr jeer ka badbaaday isku day afgambi. Bishii December ee sanadkii hore 2022-dii ayaa mar kale loo doortey in uu sii joogo.

GAROWE ONLINE