Chinua Achebe: Qoraagii aduun $1 milyan ka diidey fanaan caan ah

Mukafirkan ayaa sanadkii 2013 ku geeriyooday magaalada Boston ee dalka Mareykanka ka dib markii uu muddo xanuunsanaa.

NEW YORK, USA - Sanadkii 1958-kii, Chinua Achebe oo u dhashay dalka Nigeria wuxuu qoray buugiisii ​​ugu horeeyay ee "Things Fall Apart" isagoo 28 jir ah, kaas oo uu iibiyey in ka badan 20 milyan oo nuqul waxaana loo turjumay in ka badan 50 luqadood.

Waxaa buugiisa lagu daray mid ka mid ah Buugaagta ugu wanaagsan ee abid lagu qoro liiska Encyclopedia Britannica sanadkii 2018. Waxa kale uu ka mid noqday liiska 100 ka buug ee lagu soo bandhigay taxanaha TV-ga, Akhriska Ameerika.

Sanadkii 2011, Chinua Achebe waxay is-qabsadeen fanaanka caanka ah ee 50 cent. Wuxuu ku qasbay 50 Cent inuu badalo magaca filimkiisa cusub ee uu soo waday kaas oo uu u baxshay  "Things Fall Apart". 

Waxa uu u diray qareenkiisa. Markii uu 50 cent u soo bandhigay Achebe $1 milyan oo dollar, Achebe waxa uu dareemay in ay taasi tahay aflagaado oo uu diiday lacagtaas. 50 Cent ka dib wuxuu filimkiisii ​​ka badalay magacii oo uu kadib magaca ka dhigtay "All things Fall Apart".

Chinua Achebe ayaa sanadkii 2013 ku geeriyooday magaalada Boston ee dalka Mareykanka ka dib markii uu muddo xanuunsanaa.

Dadka daneeya akhriska ayaa aad u xiiseeya buuggaagta uu qoray qoraagaan oo intabadan ka hadlay dhaqanka iyo gumaysigii. Wuxuu kamid yahay Halyeyada Suugaanta Afrika.

GAROWE ONLINE