18 ruux oo ku dhintay waddanka Pakistan

05 November, 2015(GO)-Wararka ka imaanaya dalka Pakistan ayaa sheegaya inay dhinteen inta la hubo 18 ruux ka dib bur-bur soo gaaray dhisme warshadeed oo ka koobnaa afar dabaq.

Shilkaasi waxaa ku dhaawacmay toboneeye kale, iyadoo jiraan dad weli ku xanibay dhismaha waxyeelloobay.

Lama oga sababta rasmiga ah ee shilkan keentay, balse dad ka ag dhawaa ayaa warbaahinta dalkaasi u sheegay in waxyeello ka soo gaartay dhul gariir dhawaan ka dhacay Pakistan oo ku dhinteen 270 qof .

Dowladda waddankaasi ayaa sheegtay inay waddo dadaalo lagu soo bad baadinayo dad ku xaniban qaybta hoose ee dhismaha bur-buray, waxaana xukuumaddu sheegtay ilaa hadda in la soo bad baadiyay inkabadan 70 ruux.

Kooxaha gurmadka ayaa goobta gaaray iyagoo isticmaalaya gaadiid waaweyn si looga hortagyo waxyeello soo gaarta dadka ku xanibay qaybta hoose dabaqa bur-buray.

GAROWEONLINE