Itoobiya oo isticmaalaysa khad Tareen casri ah [Sawirro]
-
- Posted On 20-09-2015, 06:16PM
20 Septembar, 2015(GO)-Magaalada Adis Ababa ee xarunta dalka Itoobiya waxaa laga bilaabay isticmaalka khad Tareen ku shaqeeya koronto.
Waxaa ku baxay kharash gaaraya 470 milyan oo doolar, isagoo halkii mar qaadi kara rakaab dhan 60 kun.
Tareenada oo leh midabada caddaan, cagaar iyo buluug ayaa ka dhex shaqaynaya magalada gudaheeda masaafo dhan 34-km iyagoo adeegsanaya Koronto.
Injineero Shiinays ah ayaa howshan ka caawiyay Itoobiya, waxaana intiisa badan maalgaliyay bangiga dalkaasi oo loo yaqaanno Export Import Bank of China.
Adeegan waxaa ka faa'iidaysan doona hal milyan oo ruux, waxaana kharashka lagu raacayo ka yar-yahay nus doollar.
Arrintan, ayaa wax ka badali doonta ciriiriga dhanka waddooyinka ee ka jira magalada Adis Ababa, waxa uuna astaan u yahay raadka dhaqaale ee Shiinuhu ku leeyahay Afrika.
Dowladda Itoobiya oo ka hadashay mashruucan ayaa sheegtay in tareenadu shaqayn doonaan 16 saac maalin kasta.
GAROWEONLINE
