Maraykanka oo sheegtay duqayn ka dhacyday Somalia
-
- Posted On 13-05-2016, 12:13PM
MUQDISHU- War kasoo baxay Aqalka Pantagon-ka Maraykan ayaa lagu sheegay in ciidamo yar oo katirsan dalkaasi oo adeegsanaya diyaaradaha qumaatiga u kaca weerar ka geysteen Galbeedka magalada Muqdishu ee dalka Somalia.
Dagaalkaasi waxaa ku wehelinayay ciidamo katirsan Uganda, waxaana la sheegay in lagu qaaday goob bar-kantarool u taallay mallayshiyaad katirsan Shabaab, kuwaasi oo dadka reer guuraga ah ka qaaday lacag ay ugu yeereen "Canshuur Sharci darro ah".
Intii howlgalku socday, waxaa warbixinta aqalka cad ee USA lagu sheegay in la dilay 5 katirsan kooxdaasi islamarkaana lagu dhaawacay labo kale.
Mallayshiyada ayaa isdifaacaday intii howlgalku socday.
Captain Jeff Davis, oo u hadlay Maraykanka, ayaa tilmaamay in howlgalkaasi lagu guulaystay qorshihii loogu talagalay.
Maraykan ayaa xoojiyay howlgalkiisa Somalia, waxaana dhawr jeer oo hore howlgallo lagu qaaday fariisinno kooxdu ku leedahay Koonfurta Somalia iyadoo ay ka qayb qaateen ciidanka dowladda Somalia ee kumaandoosta ah.
GAROWEONLINE
