Maydka Maxamed Cali oo la geeyay Louisville
-
- Posted On 06-06-2016, 04:35PM
Allaha u naxariistee, Maxamed Cali, ayaa meydkiisa la geeyay magaalada uu ka soo jeedo Louisville ee isla dalka Mareykanka oo ah meeshii uu ku dhashay, waxaana maalinta Jimcaha lagu aasi doonaa halkaas.
Aaska Maxamed Cali Kalaay, ayaa u dhici doono qaab waafaqsan diinta Islaamka iyadoo ay ka qeybgali doona dad heysta diimo kala duwan.
Dhimashadiisa ayaa laga dareemay goobo badan oo Caalamka kamid ah waxaana tan iyo markii la shaaciyay inuu geeriyooda baraha bulshada iyo goobaha lagu kulmo lagu faafinayay taariikh nololeedkisa.
Kalaay ayaa ahaa Muslim aad ugu dhagan diinta Islaamka, wuxuuna meelaha fagaaraha ah ka faafin jiray diinta Islaamka isagoo aan ogolaan jirin in wax laga sheego.
Feeryahanka saddex mar ku guulaystay horyaalka Feerka culus ee dunida ayaa u geeriyooday cudur ka haleelay sambabada isagoo muddooyinkii dambe ahaa bukaan socod la ildaran canuunkaasi, lalleemo iyo codkoo xirmay.
Aaskiisa ayaa la filayaa inay kasoo qayb galaan boqolaal kamid hogaamiyaasha muslimiinta dunida.
ALLAHA U NAXARIISTO MAXAMED CALI KALAAY
GAROWEONLINE
