Qarax ka dhacay nawaaxiga Qunsuliyadda USA ee dalka Sacuudiga
-
- Posted On 04-07-2016, 12:49PM
War kasoo baxay wasaaradda Arrimaha Gudaha boqortooyada dalka Sacuudiga ayaa lagu sheegay in qof isa-soo miidaamiyay uu isku qarxiyay afaafka hore xarun ay dagantahay Qunsuliyadda Maraykanka u joogta waddankaasi.
Qaraxan ayaa gaysan khasaaro xooggan, waxaana ku dhintay oo kaliya qofkii is-qarxiyay, halka dhaawacyo fudud soo gaareen labo kamid ah ilaalada xaruntaasi.
Safaaradda Mareykanka ee Sacuudiga ayaa sheegtay in wax dhib ah uusan soo gaarin shaqaalaha qunsuliyadda.
Wasaaradda ayaa sheegtay in ciidamada ilaalada ay ninkaas aad uga shakiyeen, markii ay kusoo dhaqaaqeenna uu is-qarxiyey.
Arrintan ayaa keentay in mar kale Maraykanku digniin u diro muwaadiniintiisa doonaysan inay u safraan dalkaasi, wuxuuna ugu baaqay inay ka baaqsadaan wixii socdaal ah ee aan muhiim ahayn.
2004-tii ayay ahayd markii Qunsuliyaddan weerar ku qaadan mintidiin xiriir la lahaa Al-Qaacidda, waxaana iska hor imaad dhexmaray ciidamada ilaada ka ahaa iyo iyaga ku dhintay shan ruux.
GAROWEONLINE
