Ra’isal wasaaraha Ethopia oo raali galin bixiyay
-
- Posted On 10-03-2016, 10:03PM
Ra’isal wasaaraha dalka Ethiopia oo ka hadlay TV-ga waddankaas ayaa raali galin u diray qowmiyadda Oromada, kadib markii dad badan oo iyaga kamid ah lagu laayay qalalaaso dhacay dabo yaaqaadii sannadkii tagay.
Hailemariam Desalegn, ayaa dadkii ka dambeeyay rabshadaha ku sifeeyay kuwo doonaya dhibaatooyin ka dhaca dalkaasi, wuxuuna sheegay in dowladiisu ka go’antahay qaabkii loo xakamayn lahaa.
Dhinaca kale, wuxuu tilmaamay in qowmiyadaha Ethiopia yihiin kuwa walaalo ah oo qarniyo badan soo wada noolaa, wuxuuna taas badalkeeda ka codsaday inay isdajiyaan oo nabadda ka shaqeeyaan.
Hadalka Ra’isal wasaaraha waddanka Ethiopia, ayaa kusoo beegmay xilli bishii Janaayo lasoo afmeeray dhibaatooyin bilowday markii xukuumaddu shaacisay in caasumadda Addis Ababa ku fidin doonto goobo beeralay ah oo qowmiyadda Oromadu dagaan, waxaana rabshadahaasi ku dhintey ku dhawaan 200 oo ruux.
GAROWEONLINE
