Warar ka dhacay Falorida oo lagu dilay 2 qof
-
- Posted On 25-07-2016, 08:33PM
Ugu yaraan 2qof ayaa ku dhimatay 20 kalana waa ku dhaawacmeen kaddib markii weerar lagu qaaday xarun lagu caweeyo oo ku taalla Gobolka Falorida ee dalka Maraykanka.
Police-ka gobolkaasi ayaa sheegay in nin hubaysan uu rasaas huwiyey xarun lagu caweeyo oo lagu magacaabo Fort Myers.
Muqaal goobta laga qaaday ayaa muujinayey jaah-wareer baahsan iyo dad kala cararaya.
Weli xog sugan lagama hayo sida weerarku u dhacay laakiin Wariyaasha ayaa sheegaya in weerarku u muqday mid argagixiso.
Inta badan falalka ka dhaca Maraykanka ayaa lala xiriiriyaa kuwo xagjiriinta ah ee gacan saarka la leh ururada Daacish iyo Al-qaacidda ,hasayeeshee waxa jira weerarro kale oo ay geystaan dad dhimirka ka jirran oo ka soo laabta dagaallada debadda.
Xukuumadda Washington ayaa ku hawlan xakamaynta hubka inkastoo ay jiraan dad arrintaas mucaaradsan oo ay ugu horreeyaan ururka Qorileeyda dalkaas ee loo yaqaan(National Riffle Association).
GAROWEONLINE
