Xil ka qaadista Rousseff oo la ansixiyay
-
- Posted On 18-04-2016, 02:10PM
Mooshinka laga keenay madaxweynaha dalka Brazil Dilma Rousseff ayaa maanta loo qaaday cod kadib markii la geeyay aqalka hoose ee Barlamanka waddankaasi.
Codayntan waxay guusha ku raacday mucaaradka dalkaasi oo horay mooshinkan uga keenay Mrs.Rousseff taasoo lagu eedeeyay inay dhaqaalah waddanka been ka sheegtay.
Ka hor intaan codayntu dhicin waxaa hadal kooban la siiyay mudanayasha waddankaasi.
In kabadan 500 mudane ayaa codadkoodii dhiibtay, waxayna mucaaradku helay ku dhawaad 350, waxaana u hirgalay mooshinkoodii oo ka gudbay marxaladii koowaad.
Kiiska madaxweyne Dilma Rousseff waxa loo gudbinayaa aqalka Senate-ka, kaas oo la filayo in lix bilood ay shaqada ka joojiyaan madaxweynaha.
Mooshinka xil ka xayuubinta ahna wuu sii soconayaa illaa laga meel mariyo ama la laalo.
Shaqaalaha xisbiga Ms Rousseff waxa ay mucaaradka ku eedeynayaan inay afgembi siyaasadeed wadaan.
Dhinaca kale waa afaafka goobta codayntu ka dhacaysay soo buux dhaafiyay taageerayaasha labada dhinac.
Xaaladda waddankaasi ayaa kacsansan waxaana laga dareemayaa muranka siyaasadeed ee ka dhex jira mucaaradka iyo muxaafidka waddankaasi.
GAROWEONLINE
