Yurub: Cayaaro xalay loo baajiyay amni dartii
-
- Posted On 18-11-2015, 07:49AM
18 November, 2015(GO)-Waxaa xalay baaqday cayaaro saaxiibtinimo oo dhexmari lahaa waddo ka tirsan qaaradda Yurub, ka dib cabsi laga muujiyay halka ciyaaruhu ka dhici lahaayeen.
Kulamadan ayaa dhexmari lahaa waddamada Belguim oo marti galin lahayd Spain, Jarmalka oo la cayaari lahaa waddanka Holland.
Booliska Jarmalka ayaa xalay ku hareeraysna garoon kubadda cagta oo ku yaalla magalada Hannover oo ka dhici lahayd kulan dhexmari lahaa xulalka Qaranka waddamada Germany iyo Holland, waxaana ciidamada ku hubaysnaayeen qoryaha fudud ee sida daran dooriga u dhaca.
Dhinaca kale, kulan sidaasi oo kale dhexmari lahaa Spain iyo Belguim, ayaa cabsi ammaan dartii loo baajiyay.
Arrintan ayaa timi cabsi ammaan oo keentay weeraro afar maalin ka hor ka dhacay France, kuwaasi oo galaaftay noloshada dadk badan 130 ruux, waxaana labo qof oo dadkaasi ka mid ah lagu dilay garoonka kooxda kubadda cagta dalkaasi.
GAROWEONLINE
