Afar ku dhimatey shil gaari oo ka dhacay duleedka Garowe
-
- Posted On 12-02-2015, 07:11PM
February 12, 2015 (GO)- Afar qof ayaa ku dhintey shan kalena way ku dhaawacmeen shil gaari oo ka dhacay duleedka koonfureed ee magaalada Garowe.
Gaariga shilka galay oo noociisu ahaa Toyota Noah wuxuu kasoo baxay dhanka magaalada Galkacayo isagoo kusii jeedey magaalada Hargeys ee xarunta maamulka Somaliland.
Dadka dhaawaca ah oo qaarkood xaaladoodu halis tahay waxaa lasoo gaarsiiyey isbitaalka guud ee magaalada Garowe halkaasoo xilligan xaaladooda caafimaad lagula tacaalayo.
Boqollaal qof ayaa sanad walba ku geeriyooda shilalka gaadiidka ee ka dhaca Soomaaliya, waxaana badankooda loo aaneeyaa khibrad yarida wadeyaasha gaadiidka iyo jidadka oo burbursan.
GAROWE ONLINE
